عيل رخم!
..وحياة امي ما رخم غيرك!
..طب نزل ايدك من على التي شيرت.
..عبارات شد وجذب دائما بين مصطفى و بيشوي..تنتهي عادة بالمصالحة!! كانا مهما يتشاحنان الا انهما يعودان لادراجهما ولا عجب فهما اصدقاء وجيران...تسكن عائلة بيشوي في الشقة التي تقابل شقة مصطفى..كانا يعيشان في هناء لا يعكر صفو حياتهم سوى المشاحنات العادية بين اي اصدقاء او جيران..
واد يا بشوي؟؟
بيشو؟؟
انت ياض؟؟؟؟ هكذا هتف مصطفى وهو ينزع الغطاء من على صديقه بيشوي..ينتفض بيشوي من على السرير اشعث الشعر قائلا:والمسيح الحي انت انسان مقرف حسبي الله ونعم الوكيل فيك!! ويضحكان...ويكمل بيشو او بيشوي..عايز ايه يا وش الاذية عالصبح؟؟
فاجابه مصطفى:الاجتماع انهاردة
..فانتفض بيشوي ليضع يده على شفاه مصطفى قالا:الله يهدك يا بعيد سمعت الحي..لازم طوب الارض يعرف !!
فاجاب مصطفى:انت عيل سيس وجبان.
.بيشوي:انا سيس !!يعني لازم طوب الارض يعرف اننا نازلين مظاهرة في التحرير ما تكتب ورقة وتعلقها على صدرك احسن
...مصطفى:جبان!
بيشوي:طب لم نفسك..
مصطفى:ليه شايفني مبعتر انت اصلا بارد
...بيشوي:انت الي بارد!!
انا بردو اللي بارد!!!!!!! انا جزمة اني اعرف واحد زيك يا تافه يا جبان
..وخرج مصطفى من شقة بيشوي غاضبا..ساعة مرت ومصطفى يمشي في حجرته كالنمر الحبيس..ثم جلس على حافة السرير واتصل بالتليفون فاجابه صوت بيشوي ب:الو؟
فقال له مصطفى:لبست يا حيوان؟انجز
..ضحك بيشوي قائلا:أيوة لبست..يحرق دي صحوبية!!!
كانا مصطفى وبيشوي و رامي وهبه و اسماعيل عز و نجوى زيدان و مينا بطرس و عبد الله سيد اصدقاء شاركوا عمل ثورة ال 25 من يناير..وشعروا بقيمتهم عندما خلع مبارك وشعروا انهم انسلخوا عن قيد الظلم البغيض.
..ولولولولولوولولي....ايه ده زغاريط في العمارة من امتى يا حسرة؟؟ هكذا تسائلت ام مصطفى؟؟ وعقبت ده باين من عند الست ام بيشوي روح يا واد يا صاصا اتقص كده جتك نيلة..طرق مصطفى باب صديقه..ليقابل وجه ام بيشوي الابيض الممتلأ بالفرح..تعالى يا صاصا الواد بيشو هيخطب الاحد الجاي!! هنا جرى مصطفى وفتح باب حجرة بيشوي بعنف قائلا: مش قولتلك جبان!! هتعملها اخيرا يا ابن الكلب البت خللت جمبك!! واحتضنه بقوة ..بعنف وهنا قال بيشو:ايه القرف ده..انت نفيت ياض على قفايا!! وابعد مصطفى عن حضنه ليرى دمعه هو من لمس رقبته!! يااااه للدرجة دي يا مصطفى؟؟.
كان لحادث كنيسة امبابة اصداء سلبية في نفوس المسلمين والمسيحيين..كان مصطفى يجلس ياكل بذور اللب, وبيشوي جالسا الى جواره ينقر يد الكنبة باصابعه..قطع بيشوي الصمت قائلا:مكنلوش اي تلاتين لازمة الي المسلميين عملوه ده!! هنا رفع مصطفى حاجبيه مندهشا وقال لبيشوي:نعم يا خويا؟؟ مالك بتقولها باشمئزاز كده؟؟..لان الي حصل فعلا يا مصطفى يجيب اشمئزاز يجيب كل حاجة وحشة المسلمين دول...هنا قاطعه مصطفى:لا..المرة دي كفاية يا بيشوي..عشان متبوظش الدنيا اكتر من كده! وخرج مصطفى من شقة صديقه وعاد لمنزله محبطا حزينا..حزينا على كل شئ عما حدث للكنيسة وللمصريين في امبابة ..ومقهورا عن رأي صديق عمره فيما حدث..كان مستعد ان يتقبل هذا الكلام من اي انسان الا من بيشوي..لم يوجعه الكلام بل وجعه قائله!! لا يعلم مصطفى لماذا كان هذا اخر حديثه مع بيشوي..انهما تعودا على مشاحنات اكثر من هذه..وكان صوت شجارهما يصل للقاصي والداني..ايام مرت لتصب في جدول الزمن شهورا....كان لحادث المضيفة التي تحولت كنيسة وهدمت وما اعقبه من كوارث شرارة اوقدت نار حادث امبابة التي كانت بدأت تخبو..
اصبحت علاقة الاسرتين سيئة شجار على اسباب تافهه..تحولا من( نحن) الى( احنا وانتم)...وفي يوم قرر مصطفى ان يكلم بيشوي خاصة بعدما علم ان فرحه بعد اسبوع..كان بعده عن بيشو غصة في صدره لا يهدء المها..وطرق مصطفى باب بيشوي ليتفاجئ بابيه قائلا:عايز ايه مش كفاية الي بيحصل حرام بقى..جملة حادة دون سبب!! في هذا الوقت كان والد مصطفى عائد من المنزل ليسمع صياح ابو بيشوي..فقال له:انت اتجننت ازاي تكلمه كده..ابو بيشوي:ابنك الي جاي يتلزق في ابني..و و و ..ثم صرخ في وجه مصطفى قائلا بيشوي خرج مع اخواته في الكنيسة المظاهرة الصليب هيفضل مرفوع دايما!!..
راجل غبي هكذا قال ابو مصطفى لولده وهم يدخلون الشقة..اغلق مصطفى عليه حجرته واخذ يفكر في قلق و يقضم اظافره..وفجأة بدل ملابسه في طريقه لمسبيرو!!
كانت الهتافات عالية وصوت اطلاق اعيره ناريه يصم الاذان من افراد اصبح مجهول معرفة حقيقتهم تحديدا..وهنا رئاه بمعجزة!..كان بيشوي يمسك صليبا ويقف على سيارة ويهتف باسمه نحو الثوار..صعق مصطفى للمنظر وجرى عليه مخترقا الحشود يرجوه أن يأتي معه ..فصرخ بيشوي قائلا:ملكش دعوة يا مصطفى..امشي من هنا..يا بيشوي حرام عليك كفاية !هكذا توسل مصطفى..
..فادمعت عين بيشوي وقال بحسرة :مين الي كفاية يا صحبي؟؟؟
طرق بيشوي باب منزله..ففتحت له امه لترى الدماء تغطي ملابس ابنها ويداه!!!!! ..فكاد يغشى عليها..واخذت تلثمه وتفحصه بنهم لترى جروحه..كان وجه بيشوي كوجه الصنم لا يوجد اي تعبير عليه:سالته امه..انت كويس رد يا بشوي..متعور فين؟؟.دم ايه ده..؟؟؟؟ هنا نطق بيشوي اخيرا: ده دم مصطفى!!! مات يا امي!! بقلم سمر علوان
..وحياة امي ما رخم غيرك!
..طب نزل ايدك من على التي شيرت.
..عبارات شد وجذب دائما بين مصطفى و بيشوي..تنتهي عادة بالمصالحة!! كانا مهما يتشاحنان الا انهما يعودان لادراجهما ولا عجب فهما اصدقاء وجيران...تسكن عائلة بيشوي في الشقة التي تقابل شقة مصطفى..كانا يعيشان في هناء لا يعكر صفو حياتهم سوى المشاحنات العادية بين اي اصدقاء او جيران..
واد يا بشوي؟؟
بيشو؟؟
انت ياض؟؟؟؟ هكذا هتف مصطفى وهو ينزع الغطاء من على صديقه بيشوي..ينتفض بيشوي من على السرير اشعث الشعر قائلا:والمسيح الحي انت انسان مقرف حسبي الله ونعم الوكيل فيك!! ويضحكان...ويكمل بيشو او بيشوي..عايز ايه يا وش الاذية عالصبح؟؟
فاجابه مصطفى:الاجتماع انهاردة
..فانتفض بيشوي ليضع يده على شفاه مصطفى قالا:الله يهدك يا بعيد سمعت الحي..لازم طوب الارض يعرف !!
فاجاب مصطفى:انت عيل سيس وجبان.
.بيشوي:انا سيس !!يعني لازم طوب الارض يعرف اننا نازلين مظاهرة في التحرير ما تكتب ورقة وتعلقها على صدرك احسن
...مصطفى:جبان!
بيشوي:طب لم نفسك..
مصطفى:ليه شايفني مبعتر انت اصلا بارد
...بيشوي:انت الي بارد!!
انا بردو اللي بارد!!!!!!! انا جزمة اني اعرف واحد زيك يا تافه يا جبان
..وخرج مصطفى من شقة بيشوي غاضبا..ساعة مرت ومصطفى يمشي في حجرته كالنمر الحبيس..ثم جلس على حافة السرير واتصل بالتليفون فاجابه صوت بيشوي ب:الو؟
فقال له مصطفى:لبست يا حيوان؟انجز
..ضحك بيشوي قائلا:أيوة لبست..يحرق دي صحوبية!!!
كانا مصطفى وبيشوي و رامي وهبه و اسماعيل عز و نجوى زيدان و مينا بطرس و عبد الله سيد اصدقاء شاركوا عمل ثورة ال 25 من يناير..وشعروا بقيمتهم عندما خلع مبارك وشعروا انهم انسلخوا عن قيد الظلم البغيض.
..ولولولولولوولولي....ايه ده زغاريط في العمارة من امتى يا حسرة؟؟ هكذا تسائلت ام مصطفى؟؟ وعقبت ده باين من عند الست ام بيشوي روح يا واد يا صاصا اتقص كده جتك نيلة..طرق مصطفى باب صديقه..ليقابل وجه ام بيشوي الابيض الممتلأ بالفرح..تعالى يا صاصا الواد بيشو هيخطب الاحد الجاي!! هنا جرى مصطفى وفتح باب حجرة بيشوي بعنف قائلا: مش قولتلك جبان!! هتعملها اخيرا يا ابن الكلب البت خللت جمبك!! واحتضنه بقوة ..بعنف وهنا قال بيشو:ايه القرف ده..انت نفيت ياض على قفايا!! وابعد مصطفى عن حضنه ليرى دمعه هو من لمس رقبته!! يااااه للدرجة دي يا مصطفى؟؟.
كان لحادث كنيسة امبابة اصداء سلبية في نفوس المسلمين والمسيحيين..كان مصطفى يجلس ياكل بذور اللب, وبيشوي جالسا الى جواره ينقر يد الكنبة باصابعه..قطع بيشوي الصمت قائلا:مكنلوش اي تلاتين لازمة الي المسلميين عملوه ده!! هنا رفع مصطفى حاجبيه مندهشا وقال لبيشوي:نعم يا خويا؟؟ مالك بتقولها باشمئزاز كده؟؟..لان الي حصل فعلا يا مصطفى يجيب اشمئزاز يجيب كل حاجة وحشة المسلمين دول...هنا قاطعه مصطفى:لا..المرة دي كفاية يا بيشوي..عشان متبوظش الدنيا اكتر من كده! وخرج مصطفى من شقة صديقه وعاد لمنزله محبطا حزينا..حزينا على كل شئ عما حدث للكنيسة وللمصريين في امبابة ..ومقهورا عن رأي صديق عمره فيما حدث..كان مستعد ان يتقبل هذا الكلام من اي انسان الا من بيشوي..لم يوجعه الكلام بل وجعه قائله!! لا يعلم مصطفى لماذا كان هذا اخر حديثه مع بيشوي..انهما تعودا على مشاحنات اكثر من هذه..وكان صوت شجارهما يصل للقاصي والداني..ايام مرت لتصب في جدول الزمن شهورا....كان لحادث المضيفة التي تحولت كنيسة وهدمت وما اعقبه من كوارث شرارة اوقدت نار حادث امبابة التي كانت بدأت تخبو..
راجل غبي هكذا قال ابو مصطفى لولده وهم يدخلون الشقة..اغلق مصطفى عليه حجرته واخذ يفكر في قلق و يقضم اظافره..وفجأة بدل ملابسه في طريقه لمسبيرو!!
كانت الهتافات عالية وصوت اطلاق اعيره ناريه يصم الاذان من افراد اصبح مجهول معرفة حقيقتهم تحديدا..وهنا رئاه بمعجزة!..كان بيشوي يمسك صليبا ويقف على سيارة ويهتف باسمه نحو الثوار..صعق مصطفى للمنظر وجرى عليه مخترقا الحشود يرجوه أن يأتي معه ..فصرخ بيشوي قائلا:ملكش دعوة يا مصطفى..امشي من هنا..يا بيشوي حرام عليك كفاية !هكذا توسل مصطفى..
..فادمعت عين بيشوي وقال بحسرة :مين الي كفاية يا صحبي؟؟؟
طرق بيشوي باب منزله..ففتحت له امه لترى الدماء تغطي ملابس ابنها ويداه!!!!! ..فكاد يغشى عليها..واخذت تلثمه وتفحصه بنهم لترى جروحه..كان وجه بيشوي كوجه الصنم لا يوجد اي تعبير عليه:سالته امه..انت كويس رد يا بشوي..متعور فين؟؟.دم ايه ده..؟؟؟؟ هنا نطق بيشوي اخيرا: ده دم مصطفى!!! مات يا امي!! بقلم سمر علوان
ليست هناك تعليقات:
إرسال تعليق