سألتني الصغيرة (توتا) ونحن جالسين نشاهد نشرة الأخبار: هو الجيش بيحبنا؟؟...صدمت من سؤال طفلة في السابعة من عمرها!!.. فأجبتها:طبعا..احنا مصريين والجيش المصري بيحبنا. صمتت الصغيرة برهة وزمت شفتيها واضعة سبابتها عليهما ثم قالت:يبقى أحنا اللي مش بنحب الجيش,صح؟..فقلت لها وأنا متوجسة ومتعجبة في نفس الوقت من اسئلتها: لأ يا توتا..احنا بنحب الجيش الجميل اللي بيحمينا وبيخاف علينا.
هنا نظرت لي قائلة: أومال بيضرب الناس اللي في التحرير ليه؟ ويرمي عليهم العلب اللي بتطلع دخان ويموتوا الناس؟؟...هنا كادت الغصة في حلقي تقتلني! ولم أجد مفر من الكذب البغيض,وقلت لها:هم بيضربوا الناس (البلطجية) اللي هم الناس الوحشيين اللي بيخربوا وبيرموا ازايز المولوتوف اللي فيهاا نار..فقالت بتحدي:طب والباقيين الكويسين ذنبهم ايه يموتوا؟؟!!!!!!!!!
هنا وضعتني الصغير في (خانة اليك)! ثم قالت لي بجرأة غريبة: أنتي بتكدبي عليا وأنا زعلانة منك,وجرت من أمام وجهي المزهول وتركتني لحيرتي ولمصريتي الحزينة اتسائل:ما هو الصواب؟وما هي الحقيقة؟ كانت توتا تريد اجابات حقيقية قاطعة ,وتذكرت عادل امام في مسرحية (شاهد مشفش حاجة) عندما قال له القاضي:عايز اجابات واضحة..براهين قاطعة..يا ابيض,يا اسود..وجلست بعدها لأشاهد خطاب المشير الى جوار امي. وبعد انتهاء المشير من الخطاب قالت لي امي:ايه رأيك في كلام المشير؟..فأجبتها:ده راجل عسكري واظن كلامه واضح يا ابيض يا اسود..!!! فابتسمت أمس متسائلة:والخطاب لونه أيه؟؟....فصمت طويلا ثم قلت لها: أنا رايحة اعمل سندوتش مربى توت..مربى توت أسوووووووووووووووود......!!! بقلم سمر علوان
هنا نظرت لي قائلة: أومال بيضرب الناس اللي في التحرير ليه؟ ويرمي عليهم العلب اللي بتطلع دخان ويموتوا الناس؟؟...هنا كادت الغصة في حلقي تقتلني! ولم أجد مفر من الكذب البغيض,وقلت لها:هم بيضربوا الناس (البلطجية) اللي هم الناس الوحشيين اللي بيخربوا وبيرموا ازايز المولوتوف اللي فيهاا نار..فقالت بتحدي:طب والباقيين الكويسين ذنبهم ايه يموتوا؟؟!!!!!!!!!
هناك تعليقان (2):
انتي هنا حصلك اصتدام بين حقيقة تم غرسها في عقلك ان من البديهي يكون الجيش الدرع الحامي لنا وليس اداة من ادوات النظام يتحرك بأمر وينفذه بدون مناقشة او مراجعه لواجباته ناحية ضميره اولاً ثم وطنه ثانياً
اجمل شيء في الاطفال هو تبسيطهم للامور وعدم معرفتهم للكذب بجميع الوانه (يا ابيض يا اسود) يا الواقع اللي انا شايفها بعيني يا الحقيقة اللي حوالي بيقولوها ليا
اسلوبك في فكرة توصيل معني عن طريق سردها في قصة وحكاية جميل وهادف لكنفي اوقات المعني بيخطلت علي القراء وبيترك تعليقات سطحية .. حاولي يكون كلامك اكثر وضوحاً مش كل الناس سمر
استمري انتي مستواكي بيزيد في فترة صغيرة وده حسب رؤيتي لمقالتي
ربنا يوفقك ان شاء الله
اشكرك كثيرا وارحب دوما بتعليقاتك وارائك,,حماك الله
إرسال تعليق